Plantun de Prouvènço

Pèr coumpara dos planto d'encò nostre

Brachypodium hybridum & Juniperus thurifera

Brachypodium hybridum

Poaceae Graminaceae

Nom en français : Brachypode hybride.

Descripcioun :
Aquéu Brachypodium, planto de l'an, es esta sourti, i'a gaire, dóu group B. distachyon qu'es eissaplouïde (X 6) e que se n'en destrìo eisa sus la planto. Èi d'abord mai grand (15 à 50 cm), si fueio soun pu longo (> 3 e fin qu'à 8 cm), toujour cihado mai emé mai de 12 costo que se vèson à la lùpi (fotò). Coumpara emé la bauco-di-dos-espigo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Brachypodium
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 30 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Brachypodium hybridum Catalán, Joch.Müll., L.A.J.Mur & T.Langdon, 2012

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).